«Birgemiz: Qamqor» jobasy aıasynda 3 myń qarııaǵa qoldaý kórsetildi, dep habarlaıdy Egemen.kz.
Elimizde «Birgemiz: Qamqor» jalpyulttyq jobasy jalǵasyp jatyr. Úsh jyldyq «Birgemiz: Qamqor» jobasy qarttar úıleri men halyqty áleýmettik qorǵaý júıesine qarasty áleýmettik qyzmet kórsetetin ortalyqtardyń turǵyndaryn qoldaýǵa baǵyttalǵan.
«2022 jyly «Birgemiz: Qamqor» jobasyn uıymdastyrýshylar áleýmettik qyzmet kórsetý uıymdarynda jumys isteýge nıetti 1000 eriktini arnaıy oqytýdan ótkizdi. Sondaı-aq shaǵyn granttar konkýrsynyń nátıjesinde 30 jeńimpaz ózderiniń volonterlik bastamalaryn júzege asyrdy. «Birgemiz: Qamqor» áleýmettik jobasyn iske asyrý 2023 jyly da jalǵasady», delingen Aqparat jáne qoǵamdyq damý mınıstrligi taratqan aqparatta.
Uıymdastyrýshylardyń aıtýynsha, dástúr boıynsha jalǵyzbasty qarttarǵa kómek kórsetý jáne eriktilerdi áleýmettik ómirge tartý maqsatynda túrli bastamalardy qoldaýǵa baǵyttalǵan shaǵyn granttar konkýrsy bıyl da ótedi.
Joba aıasynda 2023 jyly 300 myń teńge mólsherindegi 30 shaǵyn grant bólinedi.
Sondaı-aq josparǵa sáıkes jobaǵa bir jyl ishinde keminde 2 myń volontıor tartylmaq.
Aıta keteıik, Aqparat jáne qoǵamdyq damý mınıstrliginiń tapsyrysy boıynsha «Birgemiz: Qamqor» áleýmettik jobasy 2024 jyldyń sońyna deıin júzege asyrylady.