28 aqpanda AQSh-tyń Memlekettik hatshysy Entonı Blınken Qazaqstanǵa alǵash ret resmı saparmen keledi, dep habarlaıdy Egemen.kz SIM baspasóz qyzmetine silteme jasap.
Memlekettik hatshyny Prezıdent Qasym-Jomart Toqaev qabyldaıdy. Sondaı-aq Entonı Blınken Qazaqstannyń Syrtqy ister mınıstri Muhtar Tileýberdimen kelissóz júrgizedi.
Sol kúni Astanada E.Blınkenniń qatysýymen Ortalyq Azııa elderi men AQSh syrtqy saıası vedomstvolary basshylarynyń «S5+1» formatyndaǵy mınıstrlik kezdesýi ótedi.
«S5+1» mınıstrlik kezdesýinde Ortalyq Azııa elderiniń AQSh-pen ekonomıka, energetıka jáne qorshaǵan orta salasyndaǵy yntymaqtastyǵyn odan ári damytý, sondaı-aq terrorızmge qarsy kúres máselelerin talqylaý josparlanyp otyr.
Búginde «S5+1» tetigi ózin Ortalyq Azııanyń kópjosparly damýyn qamtamasyz etý isinde óńirlik yntymaqtastyqqa yqpal etetin tıimdi dıplomatııalyq platforma retinde kórsetti.