AQSh Memlekettik hatshysy Entonı Blınkenniń Qazaqstan Respýblıkasyna alǵashqy resmı sapary ótti, dep habarlaıdy Egemen.kz SIM baspasóz qyzmetine silteme jasap.
Premer-mınıstrdiń orynbasary – Syrtqy ister mınıstri Muhtar Tileýberdiniń Entonı Blınkenmen kezdesýi aıasynda taraptar ekijaqty jáne halyqaralyq kún tártibindegi ózekti máselelerdi talqylady, sondaı-aq ekijaqty saıası dıalogty damytýdyń mańyzdylyǵyn atap ótti.
Elder arasyndaǵy, ásirese yntymaqtastyqtyń ekonomıkalyq jáne ınvestısııalyq salalaryndaǵy qatynastardyń barlyq keshenin odan ári jandandyrýǵa úmit bildirildi.
«Kúsheıtilgen ózara is-qımyldyń qoldanystaǵy tetikteri – Keńeıtilgen strategııalyq áriptestik jónindegi komıssııa jáne Adam quqyqtary men demokratııalyq reformalar jónindegi joǵary deńgeıdegi dıalog Qazaqstan men Qurama Shtattary arasyndaǵy ekijaqty áriptestikti nyǵaıtýǵa kómektesedi», dep atap ótti M. Tileýberdi.
Memlekettik hatshy QR Prezıdenti Qasym-Jomart Toqaevtyń saıası jáne ekonomıkalyq reformalaryna berik qoldaý bildirip, demokratııalyq damý, zań ústemdigin nyǵaıtý jáne azamattyq qoǵamnyń rólin keńeıtý salasyndaǵy yntymaqtastyqqa daıyn ekendigin rastady.
Energetıkalyq qaýipsizdik, klımattyq ózgerister, kólik marshrýttaryn ártaraptandyrý jáne sanksııalyq shekteýler jaǵdaıynda ózara saýda salasyndaǵy yntymaqtastyqty ilgeriletýde taraptardyń múddelerin eskerý qajettiligi týraly ózara túsinistikke qol jetkizildi.
Qazaqstandyq SIM-de Qazaqstan Respýblıkasy Premer-mınıstriniń orynbasary – Syrtqy ister mınıstri Muhtar Tileýberdi, AQSh Memlekettik hatshysy Entonı Blınken, Qyrǵyzstannyń Syrtqy ister mınıstri Jeenbek Kýlýbaev, Tájikstannyń Syrtqy ister mınıstri Sırodjıddın Mýhrıddın, Túrikmenstannyń Syrtqy ister mınıstri Rashıd Meredov pen О́zbekstannyń Syrtqy ister mınıstri Bahtııor Saıdovtyń qatysýymen S5+1 formatynda joǵary deńgeıdegi kezekti kezdesýi ótti.
Mınıstrlik kezdesýinde ekonomıkalyq jáne energetıkalyq yntymaqtastyq, klımattyń ózgerýi, sondaı-aq kontrterrorızmdi qosa alǵanda kóptegen máseleler talqylandy.
Kelissózder nátıjesinde S5+1 elderi ózara qyzyǵýshylyq týdyratyn máseleler boıynsha pikir almasýdy odan ári jalǵastyrýǵa kelisti.
Búginde S5+1 tetigi Ortalyq Azııanyń kópjosparly damýyn qamtamasyz etý isinde óńirlik yntymaqtastyqtyń tıimdi dıplomatııalyq alańy retinde ózin kórsetip keledi.