Qazaqstandaǵy Ulybrıtanııa elshisiniń rezıdensııasynda Study UK Alumni Awards marapattaý rásimi ótti, dep habarlaıdy Egemen.kz Ǵylym jáne joǵary bilim mınıstrligine silteme jasap.
Bul marapat brıtandyq joǵary bilimniń áseri men qundylyǵyna kurmet kórsetip, brıtandyq túlekter men olar oqyǵan ýnıversıtetterdiń halyqaralyq bedelin arttyrady.
Barlyq fınalısterdi QR Ǵylym jáne joǵary bilim mınıstri Saıasat Nurbek, baronessa Emma Nıkolson, Ulybrıtanııanyń Qazaqstandaǵy Elshisi Ketı Lıch hanym, Qazaqstandaǵy Brıtan keńesiniń dırektory Erık Lorı quttyqtady.
Renat Bekturov «Bıznes jáne ınnovasııa» nomınasııasy boıynsha 2022 jyldyń jahandyq jeńimpazy atandy. Árbir fınalıst sertıfıkat aldy, al jeńimpazdar erekshe syılyq pen £2,000-qa teń kásibı damýǵa arnalǵan grant ıegerleri atandy.
Konkýrs jyl saıyn Ulybrıtanııa JOO-larynda oqyǵan Qazaqstan túlekteri arasynda ótkiziledi.