AQSh-tyń eki azamaty Reseıge qarsy sanksııalardy buzdy degen kúdikpen Kanzasta qamaýǵa alyndy. Bul týraly AQSh Saýda departamentiniń ókili Mettıý Akselrod málimdedi, dep habarlaıdy Egemen.kz.
59 jastaǵy Kırıll Grıgorıı Býıanovskıı men 55 jastaǵy Dýglas Robertson KanRus saýda kompanııasyn basqarǵan.
AQSh Ádilet mınıstrliginiń málimeti boıynsha, ekeýi AQSh-tyń eksport zańyn buzyp, Reseıge kúrdeli avıasııalyq jabdyqty satý týraly kelisimge otyrǵan.
Eger olar kináli dep tanylsa, taýarlardy lısenzııasyz eksporttaǵany úshin 20 jylǵa bas bostandyǵynan aıyrylýy múmkin.
Prokýrorlar eki azamattyń 2020 jyldan bastap zańsyz saýda júrgizip kelgenin aıtty.
Ádilet departamentiniń málimeti boıynsha, 2020 jyldyń qarashasy men 2021 jyldyń aqpany aralyǵynda olar jóndeý jabdyqtaryn Reseıge jiberip otyrǵan.