Qazaqstandyqtardyń 85 mıllıon teńgesin jymqyrǵan áıel elge ekstradısııalandy, dep habarlaıdy Egemen.kz Bas prokýratýranyń baspasóz qyzmetine silteme jasap.
Ýkraına Bas prokýrorynyń ofısi Qazaqstan Respýblıkasy Bas prokýratýrasynyń qarjy pıramıdasynyń qyzmetin uıymdastyrǵany jáne basqarǵany úshin qylmystyq jaýapkershilikke tartý úshin Qazaqstan azamatshasy K.-ny ekstradısııalaý týraly ótinishin qanaǵattandyrdy.
Tergeý barysynda atalǵan adamnyń 2017-2018 jyldar kezeńinde turǵyn úı satyp alýǵa járdemdesýge ýáde berip, qazaqstandyq azamattardyń 85 mıllıon teńgeden astam aqshalaı qarajatyn aldap alǵany anyqtaldy.
Prokýratýra málimetinshe, ustalǵan azamatqa halyqaralyq izdeý jarııalanǵan.
Bıyl qańtarda kúdiktini Ýkraına aýmaǵynda sol eldiń quqyq qorǵaý organdary ustady. Qazirgi ýaqytta ol Astana qalasynyń tergeý ızolıatoryna qamaldy.