Túrkııada úıindi astynan qutqarylǵan Qazaqstan azamaty Sabına Mamadıarova elge oraldy. Bul týraly Syrtqy ister mınıstrliginiń baspasóz hatshysy Aıbek Smadııarov brıfıngte aıtty, dep habarlaıdy Egemen.kz.
«Aýrýhanada jatqanda konsýlymyz onymen únemi baılanysyp otyrdy. Týystary janynda boldy. Ol Qazaqstanǵa oraldy. Biraq mazalamaýdy ótindi. Eshqandaı pikir berýdi qalamaıdy», dedi A. Smadııarov.
Eske sala keteıik, buǵan deıin Adanadaǵy memlekettik aýrýhanada Sabına Mamadıarovanyń jaraqat alǵan qolyna ota jasalǵan edi.