Ulttyq ekonomıka mınıstri Álibek Qýantyrov áıeline gúl syılaıtynyn aıtty.
«Dástúr boıynsha gúl syılaımyn, qazir olar qansha turatynyn bilesizder», dep jaýap berdi Qýantyrov Úkimet kýlýarynda jýrnalısterdiń suraǵyna jaýap berip.
Sonymen qatar jýrnalıster mınıstrden bir býma gúl qansha turatynyn surady.«Gúldiń baǵasy onyń túrine baılanysty bolady. Máselen, qyzǵaldaq arzan, raýshan qymbattaý. Qazir raýshan gúlderi shamamen 2,5 myń teńge turady», dep jaýap berdi mınıstr.
Sondaı-aq mınıstr barsha qazaqstandyq áıelderdi merekemen quttyqtady.
«Áıel boıynda meıirimdilik, adaldyq, ádeptilik, osy qasıetterdi baǵalaımyn. Qurmetti áıelder qaýymy, sizderdi kele jatqan Halyqaralyq áıelder kúnimen quttyqtaımyn. Sizderge sáttilik tileımin, baqytty bolyńyzdar», dep quttyqtady mınıstr.
Premer-mınıstrdiń orynbasary – Saýda jáne ıntegrasııa mınıstri Serik Jumanǵarın de erekshelenbeı, jubaıyna gúl syılaýdy uıǵarǵan.
«Gúl syılaımyn dep oılaımyn. Sondaı-aq názik jandy jubaıymdy meıramhanaǵa shaqyrýdy josparlap otyrmyn. Bul áıelder merekesi, jyl saıyn mindetti túrde jubaıymdy, anamdy jáne ájemdi quttyqtap, gúl beremin», dep bólisti mınıstr.
Sonymen qatar ol syılyqqa qansha aqsha jumsaıtynyn da aıtty.
«Shynymdy aıtsam, kóp emes, naqty baǵany aıta almaımyn», dep jaýap berdi ol.
Aıta keteıik, ishki ister mınıstri Marat Ahmetjanov ta áıeline gúl syılaýdy josparlap otyrǵanyn aıtqan edi.