«Memlekettik tehnıkalyq qyzmet» AQ Ulttyq qaýipsizdik komıtetimen birlesip, Qazaqstanda qylmystyń joǵary tehnologııalyq túrlerin anyqtaýmen jáne olardyń jolyn kesýmen aınalysady, dep habarlaıdy Egemen.kz.
«MTQ» AQ baspasóz qyzmeti naqtylaǵandaı, 2022 jyly birneshe memlekettik organdar men uıymdardyń ınfraqurylymdarynan qujattardy jasyryn jınaý arqyly kıbershpıondyqty júzege asyrǵan hakerlik toptyń qyzmeti beıtaraptandyryldy.
«Hakerler óz qyzmetin jasyryn júrgizdi. Pozısııalardy bekitý jáne faıldardy urlaý úshin iske qosylǵan zııandy baǵdarlamalar operasııalyq júıeniń zańdy prosesteri nemese naqty ázirleýshiler qol qoıǵan basqa ornatylǵan baǵdarlamalyq jasaqtama retinde jasyryldy», delingen habarlamada.
Hakerler «0-kún» dep atalatyn qorǵanys kemshilikterin, sondaı-aq antıvırýstyq zerthanalar úshin buryn belgisiz zııandy baǵdarlamalyq jasaqtamany, ıaǵnı APT-di qoldandy.
Aqparatty qorǵaý quraldary bul zııandy baǵdarlamalyq jasaqtamany anyqtaı alǵan joq, bul hakerlerge qyzmetti kedergisiz júrgizýge múmkindik berdi.
Sondaı-aq shabýyldaýshylar ınfraqurylymnyń tehnıkalyq málimetterine qyzyǵýshylyq tanytty, olar ári qaraı alǵa jyljý úshin jelilik shemalar men eseptik jazbalardy jınaýmen aınalysqan.
«Toptastyrýdyń belsendiligin, sondaı-aq qoldanylatyn ádisterdi zerdeleý jáne ózge de aqparatty jınaý nátıjesinde bul uıymdarda shet memlekettiń múddesi úshin áreket etetin hakerlik top jumys istedi dep boljanyp otyr. Bul jaǵdaı anyqtalǵan shabýylǵa múldem basqa sıpat berdi jáne toptyń óz maqsattaryn júzege asyrý úshin eleýli qarjylyq qoldaýy bar joǵary deńgeıli mamandardan turatyndyǵy aıqyn boldy», dep qosty «MTQ» AQ baspasóz qyzmeti
Naqtylanǵandaı, hakerler joǵary tehnologııalyq kıbershpıondyq áreketterin júrgizdi, al memlekettik uıymdar ózderiniń ınfraqurylymynda bógde adamnyń bar ekenin bilmedi. Barlyǵy burynǵydaı jumys istedi, antıvırýstyq baǵdarlamalyq jasaqtama buryn belgili bolǵan zııandy baǵdarlamalyq jasaqtamany ǵana anyqtady. Bul rette, kompıýterlerdegi elektrondyq qujattar joǵalǵan joq, ınfraqurylym turaqty jumys istep turdy.
Osy oqıǵaǵa tıimdi den qoıý jáne hakerlik topty áshkereleý maqsatynda «MTQ» AQ jáne UQK basqa da memlekettik organdarmen jáne uıymdarmen birlesip zııankesterdiń tıisti jumys júrgizdi.
«Memlekettik organdar men uıymdardyń birinshi basshylarynyń kelisimi boıynsha aýqymdy is-sharalar ótkizildi, olardyń nátıjeleri boıynsha otandyq jelilerde hakerlik qyzmettiń bolýyn barynsha oqshaýlaýǵa múmkindik týdy. Sondaı-aq «MTQ» AQ jáne UQK is-sharalardyń ekinshi kezeńin ótkizdi, onyń barysynda kez kelgen kúdikti áreketter nóldik senim prızmasy arqyly qabyldanyp, muqııat tekserildi», delingen vedomstvo taratqan aqparatta.
Vedomstvo ókilderiniń aıtýynsha, hakerler túrli shabýyl ádisterin qoldandy: fıshıngtik hattar, osaldyqtardy izdeý, basqa jelilik shabýyldar.