Qazaq sport jáne týrızm akademııasynyń facebook paraqshasynda balýan Zelimhan Musıhanovqa qatysty resmı málimdeme jarııalandy, dep habarlaıdy Egemen.kz.
«Áleýmettik jelilerde Serik Sápıevpen teketiresip qalǵan balýan Zelimhan Musıhanov oqýdan shyǵaryldy degen aqparat taralýda. Tipti keıbir BAQ ókilderi sportshyny Qazaq sport jáne týrızm akademııasynyń stýdenti degen jalǵan aqparat taratyp jatyr. Sol sebepti bizdiń oqý ordamyzǵa habarlasyp, máseleniń mán-jaıyn bilgisi kelgen jýrnalısterdiń qońyraýy jıiledi. Alaıda Zelimhan Musıhanov Qazaq sport jáne týrızm akademııasynda oqymaıdy. Ol bizdiń stýdent emes. Sondyqtan oqýdan shyǵaryldy ma degen suraqqa biz jaýap bere almaımyz. Rastalmaǵan aqparat taratpaýlaryńyzdy suraımyz!», dep jazdy Qazaq sport jáne týrızm akademııasynyń medıaortalyǵy.