Atyraý oblysynda «RTI-ANPZ» JShS temirjol kompanııasyna aıyppul salyndy, dep habarlaıdy Egemen.kz.
Básekelestikti qorǵaý jáne damytý agenttiginiń Atyraý oblysy boıynsha departamenti Atyraý kólik prokýratýrasymen birlesip «RTI-AMО́Z» JShS is-áreketterinde básekelestikti qorǵaý salasyndaǵy zańnamany buzý faktisin, monopolııalyq joǵary baǵalardy belgileýde, qoldaýda (vagondardy aǵymdyq aǵytpaly jóndeý jáne aǵymdyq aǵymsyz jóndeý qyzmetteri boıynsha) monopolııalyq erejeni teris paıdalaný jáne ártúrli baǵalardy ne teń mándi kelisimderge ártúrli sharttardy qoldaný faktisin anyqtady.
Atyraý kólik prokýratýrasynyń usynysy negizinde departament «RTI-AMО́Z» JShS-ne qatysty ákimshilik quqyq buzýshylyq týraly is qozǵady.
Isti qaraý qorytyndysy boıynsha Atyraý qalasynyń ákimshilik quqyq buzýshylyq jónindegi mamandandyrylǵan sotynyń qaýlysymen «RTI-AMО́Z» JShS jalpy somasy 485 mln teńgege ákimshilik jaza qoldanylyp, ákimshilik jaýapkershilikke tartyldy. Ol memleket paıdasyna tolyq kólemde tólendi.