Fýtboldan Chempıondar lıgasynyń pleı-off kezeńindegi alǵashqy qarymta matchtar aıaqtalyp, týrnırdiń shırek fınalyna joldama alǵan tórt qurama belgili boldy.
Pleı-offtaǵy jaýapty matchtarda aıtarlyqtaı tosyn nátıjeler tirkelgen joq. Tek alǵashqy oıynda Germanııanyń «Borýssııa D» klýbynan 1:0 esebimen jeńilgen Anglııanyń «Chelsıi» óz alańyndaǵy qarymta matchta qarsylastaryn 2:0 esebimen jeńip, kelesi kezeńge shyqty. Al qatar ótken ekinshi matchta «Benfıka» Portýgalııada «Brıýggeni» 5:1 esebimen tize búktirdi.
Al ertesi kúngi kezdesýlerde «Bavarııa» Mıýnhende PSJ klýbyn 2:0 esebimen tize búktirip, fransııalyqtardy jarys jolynan yǵystyrsa, Italııanyń «Mılany» syrt alańda «Tottenhemmen» teń oınap (0:0), óz alańyndaǵy jeńisiniń (1:0) nátıjesinde shırek fınalǵa shyqty.