AQSh Prezıdenti Djo Baıden 13 naýryzda bank daǵdarysyna baılanysty shuǵyl málimdeme jasady, dep habarlaıdy Egemen.kz.
AQSh Prezıdenti Djo Baıden Amerıka azamattaryn AQSh bank júıesine eshqandaı qaýip tónip turǵan joq dep sendirdi.
AQSh Prezıdenti barlyq depozıtter kez kelgen jaǵdaıda qoljetimdi ekenin jáne bankrot bankterdiń basshylary jumystan shyǵarylatynyn aıtty.
«Amerıkalyqtar AQSh-tyń bank júıesiniń qaýipsizdigi úshin esh alańdamasa bolady. Al bankrotqa ushyraǵan bankterdiń basshylyǵy jumystan shyǵarylady», dedi Djo Baıden bank daǵdarysyna baılanysty jasaǵan shuǵyl málimdemesinde.
Baıden oryn alǵan máselege baılanysty salyq tóleýshiler shyǵynǵa ushyramaıtynyn da jetkizdi.
Buǵan deıin AQSh-taǵy eń iri bankterdiń biri - Silicon Valley Bank, sondaı-aq Signature bank bankrottyqqa ushyraǵany belgili boldy.
Sondaı-aq AQSh-tyń retteýshi organy bankrottyq saldarynyń aldyn alý úshin Sılıkon alqabyndaǵy banktiń barlyq salymshylaryn qorǵaıtyny habarlanǵan bolatyn.