Iаsaýı ýnıversıtetiniń «Memlekettik jáne jergilikti basqarý» bilim berý baǵdarlamasynyń 3-kýrs doktoranty Nazerke Batyrbek AQSh-tyń «Community Engagement Exchange» (Qaýymdastyqpen tájirıbe almasý) baǵdarlamasynyń jeńimpazy atandy, dep habarlaıdy Egemen.kz.
Community Engagement Exchange baǵdarlamasy – XXI ǵasyrdyń mańyzdy máselelerin sheshý úshin qaýymdastyqtarmen jumys isteıtin ınnovatorlardyń dınamıkalyq jahandyq jelisi. Ahmet Iаsaýı ýnıversıtetiniń shákirti álemniń 92 elinen 6300-den astam úmitker qatysqan osy jobanyń fınalyna shyǵyp, 142 kóshbasshynyń qatarynan kórindi.
Endigi kezekte Nazerke Batyrbek AQSh-tyń Detroıt jáne Vashıngton qalalarynda 3 aılyq taǵylymdamadan ótip, bilimin shyńdaıdy. Taǵylymdama barysynda AQSh-taǵy bedeldi memlekettik emes uıymdarda tájirıbe jınaqtap, «Ashyq úkimet» jobasy aıasynda sheteldik tájirıbemen tanysady. Al elimizge oralǵannan keıin 6 aı boıy jınaǵan bilimi men tájirıbesin Qazaqstandaǵy túrli salalarǵa arnap, jańashyl jobalardy júzege asyrady.