«Qaırat» - «Kaspıı» komandalary arasyndaǵy matchta janjal boldy, dep habarlaıdy Egemen.kz.
«Qaırat» fýtbol komandasynyń jankúıerleri áleýmettik jelide oıyn kezinde tártip saqshylary jankúıerlerge qysym jasaǵanyn jazdy.
«Búgin Almaty qalasynda ótken Qaırat-Kaspıı komandalary arasyndaǵy matchta tártip saqshylary men arnaıy jasaq tarapynan match kezinde jankúıerlerge qysym kórsetildi. Tártip saqshylary jankúıerlerdi stadıonnan qúshpen shyǵara bastady. Atalǵan oqıǵada jankúıerler tarapynan eshqandaı qarsy áreket, quqyq buzýshylyq oryn alǵan joq», delingen jazbada.
Alaıda polısııa departamenti fýtbol jankúıerleriniń tártip buzaǵanyn rastady.
Almaty qalalyq PD habarlaýynsha, Ortalyq stadıonda fýtbol oıyny kezinde tártipti qamtamasyz etý maqsatynda qyzmet atqarǵan polıseıler, adam kóp jınalatyn oryndarda paıdalanýǵa tyıym salynǵan faıerlerdi jaǵý deregi tirkelgen.
Arnaıy jasaqtyń qoǵamdyq tártipti odan ári buzýdyń aldyn alý maqsatynda jankúıerlermen quqyqtyq túsindirme áńgime júrgizilgenin aıtyp, jelidegi jazbaǵa jaýap berdi.