Izraıl - syrtqy kelbeti men mádenıeti jaǵynan basqalarǵa uqsamaıtyn erekshe el. Dese de týrısterge túsinikti bola bermeıtin erekshe erejeleri de bar. Sondyqtan kóptegen adamdar úshin bul eldegi ómir qıynǵa soǵýy múmkin, dep habarlaıdy Egemen.kz.
Izraılde jumys aptasy jeksenbi kúni bastalady. Demalys kúnderi — juma jáne senbi. Biraq jergilikti turǵyndar juma kúni saǵat 14:00-de jumysyn toqtatyp, senbi kúni saǵat 18:00-den keıin qaıta jalǵastyrady.
Izraılde demalys kúnderi «shabbat» dep atalady, ol Taýrattyń qasıetti evreı kitabynyń erejelerimen retteledi. Oǵan sáıkes, evreılerge juma jáne senbi kúnderi jumys isteýge tyıym salynady.
Shabbatta barlyq mekemeler jabylyp, qoǵamdyq kólikter jumysyn toqtatady. Tek aeroport, medısınalyq qyzmet kórsetý ortalyqtary men tótenshe jaǵdaı qyzmetkerleri jumys isteýi múmkin.
Taǵy bir qyzyq jáıt - Izraıl kompanııalaryndaǵy qyzmetkerler kez kelgen ýaqytta úzilis jasaı alady. Sonymen qatar Izraılde tamaqtyń bir adamǵa arnap salatyn mólsheri óte úlken. Evreıler daıyndaıtyn taǵamdardyń kalorııasy joǵary, óıtkeni onyń quramynda kómirsýlar kóp.
Izraılde árbir mereke erekshe túrde toılanady. Birinshiden, barlyq qyzmetter men dúkender jumysyn toqtatady. Ekinshiden, ár merekede taǵam túrlerine, kıim úlgisine qatysty belgili bir erejeler saqtalady.
Eldegi eń mańyzdy ári jarqyn merekelerdiń biri — Pýrım. Bir apta boıy toılanatyn bul mereke kezinde tutas el úlken karnavalǵa aınalady. Balalar mektepke kostıým kıedi, al eresekter jumysqa jatarda kıetin kıimimen barady.