Búgingi saıası naýqan qyzǵan shaqta Abaı oblysynyń ákimdiginiń baspasóz qyzmeti qýanyshty jańalyq taratty, dep habarlaıdy Egemen.kz.
«Abaı oblysynda 19 naýryz saǵat 8:00-degi jaǵdaı boıynsha 16 sábı dúnıege keldi. Oblysta 11 qyz jáne 5 ul ómir esigin ashty», dep jazylǵan habarlamada.
Sondaı-aq óńirde saıası dodaǵa atsalysyp jatqan daýys berýshilerdiń qarasy kóp. Máselen, Borodýlıha aýdanynyń Y.Altynsarın orta mektebiniń ujymy №292 saılaý ýchaskesine kelip, óz daýystaryn bergen. Sol sekildi Aıagóz aýdanynyń saılaý ýchaskelerinde daýys berý qarqyndy júrip jatyr. Al Abaı aýdany Kókbaı aýylynyń 93 jastaǵy turǵyny Koshkına Tursynǵaısha saılaý ýchaskesine kelip óz tańdaýyn jasaǵan.