Aqtóbe qalasynyń №11 yqshamaýdanynda ornalasqan №28 saılaý ýchaskesinde 1 709 saılaýshy tirkelgen. Tańǵy ýaqytta osy ýchaskege daýys berýge kelgenderdiń deni orta jastaǵylar, dep habarlaıdy Egemen.kz.
№28 saılaý ýchaskesiniń tóraǵasy Baqytbek Erjannyń habarlaýynsha, tańǵy saǵat 5.30-da barlyq komıssııa músheleri saılaý ýchaskesine kelip boldy. Baqylaýshylar da shamamen osy ýaqytta jınala bastaǵan.
«Biz tańerteńgilik 06.00-den óte baqylaýshylardy saılaý ýchaskesine kirgizip, ózimdi jáne saılaý komıssııasy múshelerin tanystyrdym. Olar daýys beretin kabınalardy qarap shyqty. Sodan keıin baqylaýshylardyń kózinshe daýys berý bıýlletenderin salatyn úlken jáshikke mór bastyq. Komıssııa múshelerine tizim boıynsha bıýlletenderdi tarattyq. Tańǵy saǵat 7.00-de ýchaskemiz ashylǵan boıy daýys berýge eki úlken kisi keldi. Qazir ýchaskede jeti baqylaýshy otyr, olar saılaýǵa qatysyp jatqan bes partııanyń jáne depýtattyqqa úmtkerlerdiń senim bildirgen ókilderi. Keshe bizdiń saılaý ýchaskemizge Eýropadaǵy Qaýipsizdik jáne Yntymaqtastyq uıymynyń eki ókili kelip, saılaý ýchaskesindegi daýs berý kabınalaryn, baqylaýshylar otyratyn oryndardy qarap shyqty», deıdi №28 saılaý ýchaskesiniń tóraǵasy Baqytbek Erjan.
Aqtóbe oblysynda 562 myń 590 saılaýshy bar. Olar búgin 525 saılaý ýchaskesinde daýys berip jatyr. Jasy 18-ge tolyp, alǵash saılaýǵa qatysatyn 3579 saılaýshy bar. О́ńirdegi eń jasy úlken daýys berýshi – 109 jastaǵy Shalqar aýdanynyń turǵyny Zıba Kelimbetova ájeı.
Aqtóbe olysynan QR Parlamenti Májilisine №10 birmandattyq okrýginen saılaýǵa túsken kandıdattardyń sany – 11. QR Parlamenti Májilisine partııalyq tizimi boıynsha 7 partııa túsýde. Aqtóbe oblystyq máslıhatyna birmandattyq 17 okrýgten 67 úmitker, qalalyq máslıhat depýtattyǵyna birmandattyq 32 saılaý okrýginen 128 úmitker baǵyn synap jatyr.