Ahmet Iаsaýı ýnıversıtetine qarasty Klınıka-dıagnostıkalyq ortalyǵynda alǵash ret bas mıy tamyrlaryna angıografııalyq ota jasaldy. Mundaı ota Túrkistan qalasynda alǵash ret jasalyp otyr, dep habarlaıdy Egemen.kz.
Neıroıntervensııalyq ota buryn ınsýlt alǵan adamdarda onyń qaıtalanbaýyna kómektesedi. Kúrdeli operasııany ýnıversıtet túlegi, neırohırýrg Erkin Medetov jasaǵan. Onyń sózinshe, bul otanyń ereksheligi - denege pyshaq tımeıdi. Arnaıy qurylǵylarmen tamyr ishinen em-dom jasalady. Eń negizgi apparat «Angıograf» dep atalady.
Aıta keterligi, mundaı apparat Túrkistan oblysy boıynsha tek Iаsaýı ýnıversıtetiniń klınıkasynda ǵana bar. Buǵan deıin bul apparatpen kardıohırýrgııalyq operasııalar jasalyp kelgen, endi mine bas mıy tamyrlary otasyna da qoldanylady.