Qazaqstannyń aýyr atleti Arapbaı Nurasyl Albanııada ótken jastar arasyndaǵy álem chempıonatynda qola júldeger atandy. Ol julqa kóterýde jeńis tuǵyrynyń úshinshi satysyna kóterildi, dep habarlaıdy Egemen.kz.
Dýrres qalasynyń (Albanııa) alańynda aýyr atletıkadan jastar arasyndaǵy álem chempıonaty bastaldy. Bul chempıonatta Qazaqstan namysyn 11 sportshy qorǵap otyr (5 ul jáne 6 qyz). Jarystyń úshinshi kúni aýyr atletter arasynda 67 kelige deıingi salmaq dárejesinde julqa kóterýde qola júldeger atanǵan Nurasyl Arapbaı Qazaqstan quramasyna alǵashqy medaldi ákeldi. Al eki jattyǵýdyń qosyndysynda jas qazaqstandyq 266 kelini (120+146) kóterip, 4-orynǵa turaqtady.
Búgin elimizdiń sportshylary eki salmaq dárejesinde óner kórsetedi: 73 kelige deıin – Erasyl Sáýlebekov jáne 59 kelige deıin – Altynaı Táńibergenova.
Aýyr atletıkadan 2023 jylǵy jastar arasyndaǵy álem chempıonaty 1 sáýirde aıaqtalady.