7-9 sáýir kúnderi Almaty qalasyndaǵy «Balýan Sholaq» atyndaǵy sport saraıynda Beket Mahmutovty eske alýǵa arnalǵan dzıýdodan jasóspirimder men jastar arasynda Azııa kýbogi ótedi, dep habarlaıdy Egemen.kz.
Halyqaralyq dzıýdo federasııasynyń kúntizbesine sáıkes ótkizilgeli otyrǵan jarysqa 2006-2007 jyldary dúnıege kelgen jasóspirimder men 2003 -2005 jyldary týǵan jas tatamı sheberleri qatysady.
IJF erejesine sáıkes Azııa kýbogynyń jeńimpazdarymen júldegerlerine reıtıngtik upaı qosylady. Jarys jeńimpazdaryna 100 upaıdan berilse, kúmis júldegerge - 60, qola júldegerge - 40 upaıdan beriledi.
Bıyl altynshy ret uıymdastyrylyp otyrǵan Azııa kýbogine Qazaqstan, О́zbekstan, Tájikstan, Qyrǵyzstan, Mońǵolııa, Gonkong, Túrkimenstan, Gresııa, Grýzııa jáne AQSh-tan barlyǵy 400-den astam dzıýdoshy qatysady dep josparlanǵan.
Mahmutov Beket Sapabekuly - 2009-2012 jyldar aralyǵynda Qazaqstan Dzıýdo federasııasynyń prezıdenti sondaı-aq Azııa Dzıýdo Odaǵynyń vıse-prezıdenti qyzmetin atqarǵan. Dzıýdodan Beket Mahmutov atyndaǵy týrnır 2017 jyldan beri Almaty qalasynda dástúrli túrde ótkizilip keledi.
Dzıýdodan jastar men jasóspirimder arasyndaǵy Azııa kýboginiń jarys kestesi Qazaqstan dzıýdo federasııasynyń resmı saıtynan bile alasyz.