«NorKaz» uıymy men Qazaqstan Respýblıkasynyń Norvegııadaǵy elshiligi Naýryz meıramyn atap ótti, dep habarlaıdy Egemen.kz.
Is-shara barysynda ótken mádenı baǵdarlama qazaqstandyq mýzykalyq shyǵarmalar men bılerdi, qazaq halqynyń salt-dástúrleri men yrymdary týraly vıktorınalardy, sondaı-aq sport oıyndary jáne t.b. qamtydy. Sonymen qatar qatysýshylarǵa qazaq ulttyq taǵamdary, onyń ishinde Naýryz kóje usynyldy.
Is-shara barysynda elshi Ádil Tursynov jáne «NorKaz» uıymynyń jetekshileri Baǵytjan Kalıev pen Laıla Mýkýsheva sóz sóıledi.
Norvegııanyń «munaı astanasy» atanǵan Stavanger qalasynda shamamen 100-ge jýyq otandas turady. Olardyń basym bóligi munaı-gaz salasyndaǵy kompanııalarda jumys isteıdi.