Búgin Astananyń Saryarqa aýdandyq №2 sotynda Qaırat Boranbaev sońǵy sózin sóıledi, dep habarlaıdy Egemen.kz.
«Qurmetti sot, sizge óz quqyǵymdy qorǵaý úshin júginemin. Bul iste prokýrorlardyń óz qatelikterin moıyndaýǵa batyldyǵy jetpedi. Osy oraıda sot jiberilgen qatelikterdi túzetýge, ádildik pen zańdylyqty qalpyna keltirýge batyldyǵy jetedi dep úmittenemin. О́z qatelikterin moıyndaı alsa, ol erkin adam», dedi Qaırat Boranbaev sot aldynda.
Sondaı-aq aıyptalýshy «AzııaGazChýndja» jáne «Qazaq Gaz» arasyndaǵy mámileden memleketke shyǵyn kelgen bolsa, ony óteýge daıyn ekenin jetkizdi.
«Qurmetti sot, siz zań ókilisiz. Bizdiń isimizde urandatýshylyq joq, biz jasaǵan mámile tek kommersııalyq sıpatqa ıe. Tergeý bastalǵannan beri «AzııaGazChýndja» jáne «Qazaq Gaz» arasyndaǵy mámileni kommersııalyq jáne zańdy dep sanap keldim, múmkin men qatelesken shyǵarmyn. Sondyqtan eger Qazaq Gaz memleket atynan bul mámileden shyn máninde zalal keltirildi dep eseptese, onda men tergeý kezinde tapqan tabysymdy qaıtarýǵa daıynmyn. Búginde zalal tolyq kólemde óteldi. Osy oraıda zańdy sheshim qabyldanady dep úmittenemin», deıdi ol.
Eske salsaq, ótken jyly 17 naýryzda sottyń sheshimimen Qaırat Boranbaev 2 aıǵa qamalǵan edi.
Keıin Qaırat Satybaldy men Qaırat Boranbaevtyń syrtqa zańsyz shyǵarylǵan aktıvteri qaıtaryla bastaǵany habarlandy.
Aıta ketsek, Astanada Qaırat Boranbaevqa qatysty sot otyrysy byltyr 30 jeltoqsanda bastalǵan edi.
28 naýryzda ótken sot otyrysynda prokýror Qaırat Boranbaevty 8 jylǵa bas bostandyǵynan aıyryp, múlkin tárkileýdi surady.