Beıbitshilik jáne Týrgenev kósheleriniń qıylysynda jol erejesin buzǵany úshin PAZ marshrýttyq avtobýsy toqtatyldy. Avtobýs júrgizýshisi óziniń minez-qulqymen polısııa qyzmetkerlerine kúdik týǵyzǵan, dep habarlaıdy Egemen.kz.
Medısınalyq kýálandyrý kórsetkendeı, avtobýs júrgizýshisiniń esirtki paıdalanǵany anyqtaldy.
Atalǵan jaıt boıynsha ÁQBtK-niń 608-babynyń 1-bóligimen (Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy) boıynsha ákimshilik is qozǵaldy.
«Júrgizýshi 15 táýlikke ákimshilik qamaýǵa alynyp, jeti jyl merzimge kólik quralyn basqarý quqyǵynan aıyrylady. Avtobýs arnaıy aıyppul turaǵyna qoıyldy. Materıal ákimshilik sottyń qaraýyna jiberildi», delingen habarlamada.Sondaı-aq mekeme mehanıgine qatysty ÁQBtK-niń 619-baby 1-bóligi boıynsha (Kólik quraldaryn, sol sııaqty tıisti sanattaǵy kólik quraldaryn basqarý quqyǵy joq ne odan aıyrylǵan júrgizýshini kólik quralyn basqarýǵa jiberý) boıynsha ákimshilik hattama toltyryldy.