Gúlistan Halyqaralyq olımpıadada Qazaqstan namysyn qorǵaıdy, dep habarlaıdy Egemen.kz.
M.Áýezov atyndaǵy Ońtústik Qazaqstan ýnıversıtetiniń «Hımııalyq ınjenerııa jáne bıotehnologııa» joǵary mektebiniń 2-kýrs stýdenti Seıdahmetova Gúlistan «Qazaqstan Respýblıkasynyń Turaqty damý maqsattary» stýdenttik olımpıadasynyń Ulttyq kezeńinde birinshi orynǵa ıe boldy.
Olımpıadaǵa Qazaqstannyń 16 joǵary oqý ornynan barlyǵy 88 stýdent qatysty. Baıqaý Birikken Ulttar Uıymynyń «Qorshaǵan ortany qorǵaý baǵdarlamasynyń» (IýNEP) qoldaýymen Qazaq-Nemis ýnıversıtetiniń uıymdastyrýymen ótti.
IýNEP – Bas Assambleıanyń memleketter men halyqaralyq birlestikterdiń qorshaǵan ortany qorǵaý men jaqsartýǵa baǵyttalǵan sharalaryn tıimdi júzege asyrýyn qamtamasyz etetin halyqaralyq uıym retinde kómekshi organy.
Endi osy jyldyń mamyr aıynda Gúlistan Halyqaralyq olımpıadada Qazaqstan namysyn qorǵaıdy.