2023 jyldyń 31 qańtarynan bastap Qazaqstan aýmaǵynan janar-jaǵarmaı ónimderin zańsyz alyp ketýdiń 288 deregi tirkeldi, dep habarlaıdy Egemen.kz QR QM Memlekettik kirister komıtetiniń baspasóz qyzmetine silteme jasap.
Qazaqstan Respýblıkasynyń aýmaǵynan benzındi, dızel otynyn jáne munaı ónimderiniń keıbir túrlerin avtomobıl kóligimen áketýge tyıym salynǵan sátten bastap memlekettik kirister organdarymen munaı ónimderin úshinshi elderge zańsyz áketýdiń 94 faktisi anyqtalǵan, olar boıynsha sotpen 1,5 mln teńgeden astam aıyppul salynyp jáne 2 341 lıtr benzın men 25 335 lıtr dızel otyny tárkilendi.
EAEO memleketterimen shekarada 63 myń lıtrden astam (63820 l) janar-jaǵarmaı ónimderin shyǵarýdyń 194 faktisi anyqtaldy.
QR QM Memlekettik kirister komıteti joǵaryda kórsetilgen tyıym (31.01.2023j.) kúshine engen kúnnen bastap elektrondyq deklarasııalaýdyń «ASTANA-1» aqparattyq júıesinde munaı ónimderin kedendik deklarasııalaýǵa jol bermeý úshin tıisti sharalardy qabyldaǵan.
Osy shekteýge qatysty ákimshilendirý jumystary turaqty negizde alty aılyq tyıym salý kezeńinde júzege asyrylady.