Sınoptıkter 2023 jyldyń 12 sáýirine arnalǵan aýa raıy boljamyn usyndy, dep habarlaıdy Egemen.kz.
«Qazgıdromet» RMK málimeti boıynsha, respýblıkanyń basym bóligi joǵary qysymdy aýmaqta bolady, soǵan baılanysty aýa raıy negizinen jaýyn-shashynsyz bolady dep kútiledi.
Aýa raıy boljamyna sáıkes, tek respýblıkanyń shyǵysynda, ońtústiginde, ońtústik-shyǵysynda atmosferalyq frontaldy bólikterdiń áserinen jaýyn-shashyn kútiledi.
«Respýblıkada jel kúsheıedi, ońtústikte, ońtústik-shyǵysta – naızaǵaı, burshaq, batysta – shańdy daýyl, túnde jáne tańerteń soltústik-batysta, ortalyqta – tuman kútiledi», dep habarlady sınoptıkter.
Batys Qazaqstan oblysynyń soltústiginde, shyǵysynda túnde topyraq betinde 2 gradýs aıaz kútiledi.
Astanada – kóshpeli bult shyǵady, jaýyn-shashynsyz. Ońtústik-batystan soǵatyn jel túnde 2-7, kúndiz 7-12 m/s. Aýa temperatýrasy túnde -5-7°S, kúndiz +11+13°S.
Almatyda kóshpeli bult shyǵady, túnde jáne tańerteń keı jerlerde jańbyr jaýady, naızaǵaı oınaıdy. Aýa temperatýrasy túnde +5+7°S, kúndiz +15+17°S.
Shymkentte – kóshpeli bult shyǵady, jaýyn-shashynsyz. Ońtústik-shyǵystan 5-10 m/s jel soǵady. Aýa temperatýrasy túnde +7+9°S, kúndiz +23+25°S.