Qazaqstandyqtar senimhatty sıfrlyq notarıat arqyly onlaın rásimdeı alady. Bul týraly Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın habarlady, dep jazady Egemen.kz.
«Men bir joly shetelde kezekti is-saparda júrgen kezde bir máselemen betpe-bet keldim: balany atasymen birge basqa qalaǵa jiberý qajet edi, biraq men senimhat rásimdeı almadym. Mundaı jaǵdaılar kóp adamǵa tanys dep oılaımyn, alaıda endi qazaqstandyqtar senimhatty onlaın rejımde rásimdeı alady», dep jazdy mınıstr.
Sıfrlyq notarıat eGovMobile uıaly qosymshasy arqyly notarıaldy túrde kýálandyrylatyn senimhattardy onlaın formatqa aýystyrýǵa múmkindik beredi. Ony shetelde júrgen azamattar da paıdalana alady. Ol úshin qosymshaǵa kirip, notarıýsqa beıneqońyraý shalý jetkilikti.