Almatyda áskerı sotta Álibek Qalbaıdyń ólimine kináli dep aıyptalǵan atyraýlyq sarbaz 9 jyl bas bostandyǵynan aıyrylǵan bolatyn, dep habarlaıdy Egemen.kz.
Jas sarbaz Álibek Qalbaı Jambyl oblysynda áskerı boryshyn ótep júrip, kóz jumǵan bolatyn. Onyń ólimine áskerı boryshyn ótep júrgen Aıbolat Amanjolov kúdikti dep tanylyp, sot úkimimen 9 jylǵa bas bostandyǵynan aıyryldy.
Alaıda marqumnyń týystary men 18 jastaǵy sarbazdyń anasy bul sheshimmen kelisken joq. Anasy ulynyń jazyqsyz ekenin aıtyp, sot tergeýi atústi júrgizilgenin jetkizdi.
Aıbolat Amanjolovqa qatysty sot sheshimi 10 sáýirde jarııalandy.
Sarbazdyń túrmede otyryp jazǵan óleńderi
Armysyń ana, amanbysyń jan áke
Jazyqsyzdan jarylǵaly turmyn men mine
Eligip aıtsam eń aqyrǵy sózimdi,
О́ltirgem joq men eshkimdi
Aspan kýá, taý-tasyń kýá,
Qalsa odan árýaq Álibek...
***
Baıqadyń ba ana, samaıdy aq basqanyn
Erte eseıip qalǵanyn seniń balańnyń
Tozaqtaı bolyp ómirde bul jalǵannyń
Kúıdirip jandy ashytyp bara jatqanyn
***
Otan úshin el qorǵaýǵa kelgem men
Soldat bolam er-jigit bop elge qaıtam degenmin
Biraq aınala tunǵan qara tústi tastardyń
Bilmeppin kómilip astynda qalǵanymdy men
***
Qara bult ta ketpedi meniń tóbemnen
Ol da sumdyq bir aram oıdy sezgendeı
Bult artynan kúnniń de bir shyǵaryn
Bilsem de men, saǵymdaı alys bolyp ketpegin
***
Alla aldynda ant beremin qasıetti oraza aıynda
«О́ltirgem joq», bul mendegi bar shyndyq
Eger de men qaralyqqa jol bersem,
Aǵyp tússin kózimdegi qarashyq
***
Nege meni, nege meni shettetip «álgi» tańdady
Bile me álde artymda «dáý kókem» joq ekenin
Tálkekke túsip ketpese eken taǵydyrym,
Qurban bolǵan jazyqsyz Sábıra men Qaırattaı...