Elordada «Elden shyǵarylǵandar» jedel aldyn alý is-sharasy júrgizilip jatyr. Bes kúniniń qorytyndysy boıynsha polıseıler buryn Qazaqstannan shyǵarylǵan, biraq sot sheshimin oryndamaǵan 57 sheteldik azamatty anyqtady, dep habarlaıdy Egemen.kz.
Sheteldik azamattar elorda aýmaǵynda zańsyz júrgen.
Is-sharany ótkizý barysynda О́zbekstan Respýblıkasynyń 22 jastaǵy azamaty anyqtaldy. Ol sot sheshimimen 2021 jyly elden shyǵarylǵan. Sheteldikke qatysty májbúrlep shyǵaryp jiberý úshin 30 táýlik merzimge qamaýǵa alýǵa sanksııa berildi.
Astana qalasy boıynsha mamandandyrylǵan aýdanaralyq sotta 26 sheteldikke qatysty elden májbúrlep shyǵaryp jiberý úshin 30 táýlik merzimge sanksııalanǵan qamaýǵa alý týraly sheshim qabyldandy.
Polıseıler shyǵaryp jiberý týraly sheshimdi oryndamaý qylmystyq jazalanatyn áreket retinde esepteletinin jáne qylmystyq zańnamaǵa sáıkes jaýaptylyqqa ákep soqtyratynyn atap ótti.
Kóshi-qon qyzmetiniń qyzmetkerleri sheteldikterdiń elordada bolýyn, olardyń sheteldik azamattardyń quqyqtyq jaǵdaıy týraly zańnama talaptaryn saqtaýyn, ýaqytyly elden shyǵýyn turaqty negizde baqylaıdy. Qala aýmaǵynda zańsyz kóship-qonýshylar men ishki ister organdarynda ýaqytyly tirkelmegen quqyq buzýshylardy anyqtaý maqsatynda júıeli túrde reıdter júrgizilip jatyr.