Elordada jas qalamger Jámıla Baqtııarqyzynyń «Qarlyǵash» atty kitaby jaryq kórdi. Shyǵarmada qoǵamnyń dertine aınalǵan jastar arasyndaǵy ózekti máseleler jazylǵan. Ata men nemere arasyndaǵy dıalog arqyly móldir mahabbat pen ulttyq qundylyqtardy dáripteıdi.
Atalǵan is-sharada avtor óz shyǵarmalarynan úzindi oqyp, qalyń kórermendi tereń oıǵa jeteledi. Eki jyl buryn jazylǵan, Jámıla Baqtııarqyzynyń alǵashqy týyndysy alty tilge aýdarylǵan.
«Bul kitaptyń ómirim men taǵdyrymda orny erekshe. Kitaptyń 5 myń danasyn shyǵardyq. Suranys bolyp jatsa, árıne, taǵy da shyǵaramyz. Bastysy, halyq oqyp, keregin alsa boldy», deıdi jas qalamger.
L.N.Gýmılev atyndaǵy EUÝ-da ótken tusaýkeserge tanymal qoǵam qaıratkerleri, ǵalymdar, aqyn-jazýshylar jáne talapty jastar qatysty.
«Tili óte kórkem. Kitap á degennen tartyp, jetektep otyrady. Osynyń ózi avtordyń sheberligin kórsetip otyr. Ádebıetke bolashaǵy zor, úlken bir qalamger keldi dep aıtsaq bolady. Jalǵasatyny kúmán týǵyzbaıdy», dedi Jýrnalıstıka jáne saıasattaný fakýltetiniń dekany Qaırat Saq.