Abaı ýnıversıtetinde KAIST (Koreıa ǵylym jáne ozyq tehnologııalar ınstıtýty) professory, STEM jáne robototehnıka salasyndaǵy álemge áıgili sarapshy, KAIST ınjenerlik baǵdarlamalarynyń avtory No Kvangsý semınar ótkizdi. Sharaǵa ýnıversıtet rektory Darhan Bilálov, ýnıversıtet oqytýshylary men stýdentteri qatysty.
Koreıa búginde ǵylym jáne ozyq tehnologııalar ınstıtýty QS World University Rankings-2023 álemdik reıtınginde 42-shi orynda tur. KAIST Samsung, Naro ǵarysh ortalyǵy jáne koreıalyq tehnologııa alpaýyttary úshin mamandar daıarlaıdy, ǵylymı zertteýler júrgizedi.
IoT (Internet of Things) júıeleri boıynsha qazaqstandyq ǵalymdarmen birlesken zertteýler aýqymyn anyqtaý maqsatynda Qazaqstanǵa kelgen koreıalyq maman KAIST-tiń jasandy ıntellekt, robototehnıka jáne kıberqaýipsizdik salasyndaǵy sońǵy jańalyqtary týraly aıtty. Ol sondaı-aq baǵdarlamalaý jáne jasandy ıntellektti damytý boıynsha tájirıbelik semınarlar ótkizdi, qatysýshylar jańa daǵdylar men bilim alýǵa múmkindik aldy.
Is-shara barysynda rektor is-sharanyń mańyzdylyǵyn aıta kele, damyǵan elderdiń ekonomıkalyq órleýiniń negizi tehnologııalyq damý ekenine toqtaldy.
«AQSh, Ońtústik Koreıa jáne Japonııa sııaqty memleketterdiń tájirıbesin paıdalana otyryp, Qazaqstan óziniń tehnologııalyq damýynda dáıekti qadamdar jasaýda. Degenmen, birinshi kezektegi másele osy salalardaǵy mamandardyń aıtarlyqtaı tapshylyǵy bolyp otyr. Sondyqtan biz robototehnıka salasyna jáne oqý úderisine STEM júıesin engizýge úlken kóńil bólýge tyrysamyz», dedi D.Bilálov.
Semınar barysynda elimizdegi mektepterde robototehnıka men STEM-di oqytýda úsh negizgi másele turǵany atap ótildi: sapaly oqý baǵdarlamasynyń joqtyǵy; sapaly oqý baǵdarlamasyn jetkizetin muǵalimderdiń jetispeýshiligi; oqý materıaldarynyń qymbattyǵy men qoljetimsizdigi. Bul workshop stýdentter men oqytýshylar úshin óte paıdaly boldy.
Darhan Bilálov professor No Kvansýǵa, uıymdastyrýshylar Elite Education Group International bas menedjeri Djon Kımge, «Elite Education Group Kazakhstan» JShS dırektory Talǵat Igisinovke, Abaı ýnıversıtetiniń Abaı ýnıversıtetiniń KazDual observatorııasyna alǵysyn bildirip, mundaı sharalar ýnıversıtettiń jáne stýdentterdiń ǵylymı áleýetin damytýǵa zor yqpal etetindigin atap ótti.
Is-sharaǵa qatysýshylar workshop týraly oń pikirlerin bildirdi jáne onyń bolashaq ǵylymı jáne kásibı mańyzdylyǵyn atap ótti.
ALMATY