Atyraý polıseıleri 20 jyldan beri halyqaralyq izdeýde júrgen kúdiktini ustady, dep habarlaıdy Egemen.kz Polisia.kz saıtyna silteme jasap.
Atyraý oblysy polısııa departamentiniń ekstremızmge qarsy is-qımyl basqarmasynyń qyzmetkerleri jedel-izdestirý barysynda halyqaralyq izdeýde júrgen О́zbekstan Respýblıkasynyń azamatyn anyqtap, ustady.
Tekserý barysynda sheteldik azamat О́zbekstan Respýblıkasy Qylmystyq Kodeksiniń 97-babynyń 2-bóligi jáne 248-baby 2-bóligine negizdelgen qylmystyq quqyq buzýshylyq, ıaǵnı qasaqana adam óltirý jáne zańsyz qarý saqtaý boıynsha halyqaralyq izdestirý jarııalanǵany anyqtaldy.
1975 jyly týǵan shetel azamatynyń ýaqytsha turatyn jerin tintý barysynda Qazaqstan aýmaǵynda tıym salynǵan dinı kitaptar men dıskiler tárkilendi. Atalǵan fakti boıynsha kúdikti ustalyp, QR QPK-niń 128-babyna sáıkes qamaýǵa alyndy.