Memleket basshysy Qasym-Jomart Toqaevtyń tapsyrmasyna sáıkes Indýstrııa jáne ınfraqurylymdyq damý mınıstrligi Qazaqstan Respýblıkasynyń energııa únemdeý jáne energııa tıimdiligin arttyrý salasyn damytýdyń 2023 – 2029 jyldarǵa arnalǵan tujyrymdamasyn ázirledi, dep habarlaıdy Egemen.kz.
Atalǵan tujyrymdamanyń kómegimen otyn-energetıkalyq resýrstardy tutynýdyń kólemin azaıtý men ony tıimdi paıdalanýdy jolǵa qoıý arqyly Qazaqstannyń IJО́-de energııa syıymdylyǵyn tómendetý kózdelgen.
Atalmysh bastamany iske asyrýdyń nátıjesinde ónerkásiptiń basym sektorlarynda ónim óndirýdegi energııa resýrstarynyń shyǵyny tómendep, bıýdjettik sektorda, TKSh-da jáne kólik sektorynda energııa tutyný mólsheri birshama azaıady dep boljanyp otyr.