Azamat Jyltyrkózov halyqaralyq syılyqtyń ıegeri atandy, dep habarlaıdy Egemen.kz.
Belgili opera ánshisi, Qazaqstannyń Eńbek sińirgen qaıratkeri, halyqaralyq baıqaýlardyń laýreaty, Roza Baǵlanova atyndaǵy «Qazaqkonsert» memlekettik konserttik uıymynyń «Klassıkalyq óner» bóliminiń kórkemdik jetekshisi, «Astana Opera» memlekettik opera jáne balet teatrynyń solısi Azamat Jyltyrkózov klassıkalyq óner salasyndaǵy «BraVo» halyqaralyq syılyqtyń ıegeri atandy.Jeńimpazdardy marapattaý rásimi álemge tanymal jáne aldyńǵy qatarly mýzykaly mádenıettiń eń iri oshaǵy Reseıdiń Úlken teatry sahnasynda ótti.Mádenıet jáne sport mınıstrliginiń qoldaýymen Azamat Qaıratuly Máskeý qalasynda ótken halyqaralyq baıqaýda klassıkalyq óner janry nomınasııasy boıynsha úzdikter qataryna qosyldy. Qazylar alqasynyń joǵary baǵasyna ıe bolǵan óner ıesi buǵan deıin de birneshe ret respýblıkalyq jáne halyqaralyq baıqaýlarda júldeli oryndarǵa ıe bolyp keledi.«Bravo» halyqaralyq kásibı mýzykalyq syılyǵy Reseı Federasııasynyń Mádenıet mınıstrliginiń aqparattyq qoldaýymen jyl saıyn ótedi.