Ulttyq ekonomıka mınıstri Álibek Qýantyrov jańa Salyq kodeksine qatysty birqatar túsinikteme bere otyryp, elimizde sán-saltanat salyǵyn tóleıtin «baı adam» qalaı anyqtalatynyn aıtty, dep habarlaıdy Egemen.kz.
Jýrnalıster mınıstrden Qazaqstanda sán-saltanat salyǵyn tóleıtin «baı adamdy» anyqtap berýdi surady.
- «Baı adam» uǵymy óte geterogendi. Ybyraı Altynsarın: «qazaqtardyń baılyǵy eńbekte jáne qanaǵatta» degen. Baılyqty aqshamen ólsheý qıyn. Biz baı adamdar týraly emes, sán-saltanat salyǵy týraly aıtyp otyrmyz. Ol sán-saltanat salyǵy dep atalmaıtyn shyǵar. Bul qymbat taýarlarǵa salynatyn salyqty bildiredi. Ony halyq túsinikti bolý úshin sán-saltanat salyǵy dep ataıdy. Bul - qymbat kólikterge, áýe parkine, ıahtalarǵa, qymbat ań terisine, zergerlik buıymdarǵa, antıkvarıatqa salynatyn salyq, - dep túsindirdi Álibek Qýantyrov.
Eske sala ketsek, Álibek Qýantyrov 2023 jyldyń birinshi toqsanynda beıindi memlekettik organdar sán-saltanat salyǵy týraly normalardy qamtıtyn jańa Salyq kodeksin ázirleý boıynsha belsendi jumys isteýdi josparlap otyrǵanyn aıtqan edi. Buǵan deıin habarlanǵandaı, sán-saltanat salyǵy 2024 jyldan bastap engizilýi múmkin.