Jetisý oblysy boıynsha jemqorlyqpen kúres qyzmeti Taldyqorǵan qalasy Bilim bóliminiń basshysyna qatysty tergeý júrgizýde, dep habarlaıdy Egemen.kz.
Ol Bilim bóliminde bıýdjet qarajatyn urlaý faktilerin jasyrǵany úshin qaramaǵyndaǵylardan 280 mln teńge para aldy degen kúdikke ilingen.
Qazirgi kezde sot kúdiktini qamaýǵa aldy.
Sondaı-aq jemqorlyqpen kúres qyzmetiniń málimetinshe, negizgi aıyptalýshylar retinde para bergender ustalyp, qamaýǵa alynǵan. Olarǵa bıýdjet qarajatyn asa iri kólemde urlady degen aıyp taǵyldy.
Sotqa deıingi tergep-tekserý jalǵasýda, kúdiktilerge qatysty olardyń kinásiniń dárejesin aıqyndaı otyryp, túpkilikti úkimdi sot shyǵarady.
QPK-niń 201-babyna sáıkes tergeý múddesi úshin ózge aqparat jarııa etýge jatpaıdy. Sonymen birge Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq is júrgizý kodeksiniń 19-babynyń 1-bóligine sáıkes, onyń qylmystyq quqyq buzýshylyq jasaǵany úshin kináliligi zańdy kúshine engen sot úkimimen anyqtalmaıynsha, árqaısysy kinásiz dep esepteledi.