Belgili aqyn, jýrnalıst Serik Qalıev ómirden ótti. Bul týraly jýrnalıst Beken Qaıratuly Facebook-tegi paraqshasynda jazdy, dep habarlaıdy Egemen.kz.
«Serik baýyrym Allasyna attanǵan eken. Imandy jyrlaryń men ıgi amaldaryń qabir joldasyń bolǵaı, otbasyna hám týys-týǵan, dos-jarandaryna Jaratýshy Iem sabyr bersin. Bir Alla qamqoryna alǵaı dosym. Alla Taǵala o dúnıede saýabyńdy, dárejeńdi arttyrsyn jáne kúnálaryńdy keshirsin. Alladan keldik, Allaǵa qaıtamyz», delingen jazbada.
Serik Qalıev 1961 jyly Jambyl oblysyna qarasty Amangeldi aýylynda dúnıege kelgen. Ol 1983-1995 jyldary oblystyq, respýblıkalyq aqyndar aıtystaryna qatysyp, júldeli oryndardy ıelengen.
Serik Qalıevtyń «Juldyz-sezim», «Aq monshaq», «Egizdiń syńary», «Ashyq hat» óleń jınaqtary jaryq kórgen.