Qazaqstan quramasy 16 jasqa deıingiler arasynda Azııa - Tynyq muhıty aımaǵy boıynsha Shymkent qalasynda ótip jatqan álem chempıonatynyń irikteý týrnıriniń jartylaı fınalyna shyqty, dep habarlaıdy Egemen.kz Qazaqstan tennıs federasııasyna silteme jasap.
Jas qazaqstandyqtar shırek fınalda Taıbeı komandasynan ozdy.
Aldymen Anastasııa Krymkova Iý Nıng Saıdy tize búktirdi - 5:7, 6:3, 7:5. Báseke tartysty ótip, eki jarym saǵatqa sozyldy.
Al ekinshi oıynda Polına Slepsova Lı Iа Chýdi oısyrata jeńdi - 6:0, 6:2.
Erteń, 5 mamyrda Iаroslava Shvedovanyń shákirtteri fınalǵa shyǵý úshin Aýstralııa quramasymen kezdesedi. Aıta ketsek, olar Gonkongty 2:0 esebimen utty.
Bul rette, Azııa - Tynyq muhıt aımaǵynan úzdik úsh komanda álem chempıonatyna joldama alatynyn aıta ketý kerek.