Astana qalasynda oqýshylarǵa arnalǵan hımııadan 57-shi Halyqaralyq Mendeleev olımpıadasynyń qorytyndysy belgili boldy, dep habarlaıdy Egemen.kz «Daryn» ortalyǵyna silteme jasap.
Bıylǵy jyly HMO-57 Nazarbaev Ýnıversıteti bazasynda ótti.
Jobany qabyldaýshy taraptan — Qazaqstan Respýblıkasynyń Oqý-aǵartý mınıstrligi, al Reseı tarapynan M. V. Lomonosov atyndaǵy MMÝ hımııa fakýlteti men Andreı Melnıchenko Qory uıymdastyrdy.
Olımpıadaǵa 21 elden 116 oqýshy qatysty. Olar 34 qola, 23 kúmis jáne 11 altyn júldelerin aldy. Barlyǵy 19 eldiń qatysýshylary medaldar ıelendi.
57-shi Halyqaralyq Mendeleev olımpıadasynyń absolıýtti jeńimpazy jáne Akademık Valerıı Lýnın atyndaǵy syılyqtyń laýreaty Saransk q. daryndy balalarǵa arnalǵan lıseıiniń (Reseı, Mordovııa Respýblıkasy) 11 synyp oqýshysy Andreı Dýbınskıı boldy.
NIS oqýshylary 57-shi halyqaralyq Mendeleev olımpıadasynyń qola júldegerleri atandy.
Elordadaǵy fızıka-matematıka baǵytyndaǵy NZM oqýshylary Abylaı Qabdýlhadyr men Kırıll Kım hımııa páni boıynsha 57-shi halyqaralyq Mendeleev olımpıadasynyń qola medaldaryn enshiledi.
«Teorııalyq týrdaǵy úzdik sheshim» nomınasııasynda QR Oqý-aǵartý mınıstri Ǵanı Beısembaevtyń arnaıy syılyǵymen elordalyq oqýshy Alıhan Smet marapattaldy.