17 jasqa deıingi elimizdiń jasóspirimder quramasy 24-29 mamyr aralyǵynda Volgogradta ótken ÝEFA Damý jarysyna qatysyp, úshinshi orynǵa ıe boldy.
Aınalma júıe boıynsha uıymdastyrylǵan týrnırde Marat Eslıamov jattyqtyratyn Qazaqstannyń jasóspirimder quramasy Reseı, Qyrǵyzstan jáne Belarýs komandalarymen jasyl alańda sheberlik baıqasty. Alǵashqy týrda Reseı fýtbolshylaryna 5:0 esebimen jol bergen jerlesterimiz keıingi eki týrda Qyrǵyzstan quramasyn – 4:1, Belarýs jasóspirimderin 3:0 esebimen tize búktirdi.
Jarys qorytyndysy boıynsha Reseı, Belarýs jáne Qazaqstan quramalary úsh týrda eki márte jeńiske jetip, birdeı upaı jınaǵanymen, dop aıyrmasy boıynsha bas júlde alań qojaıyndaryna buıyrdy. Belarýs fýtbolshylary kúmis júldege ıe bolsa, úshtikti Qazaqstan quramasy túıindedi. Matchtar «Zenıt» jáne «Olımpııa» stadıondarynda ótti.