Halyqaralyq boks qaýymdastyǵy (IBA) О́zbekstanda uıymdastyrylǵan erler arasyndaǵy álem chempıonatynan keıin ulttyq quramalardyń jańarǵan reıtıngin jarııalady.
Tashkent tórinde tórt altyn, bir kúmis medal oljalaǵan Qazaqstan quramasy álemdik reıtıngte Kýba, Reseı, О́zbekstan sekildi boks derjavalaryn artqa tastap, 81 000 upaımen birinshi orynǵa jaıǵasty. Ekinshi orynǵa О́zbekstan quramasy (60 800) ıe bolsa, úzdik úshtikti Reseı boksshylary (58 050) túıindep tur. Keıingi oryndarǵa Úndistan (55 500), Kýba (45 300), Brazılııa (43 400), Italııa (38 980), Túrkııa (38 450), Meksıka (37 650) jáne AQSh (34 950) boksshylary ornalasqan.
Tashkenttegi álem chempıonatynda jalpykomandalyq esep boıynsha О́zbekstan quramasy (5 altyn, 2 kúmis, 2 qola) jeńimpaz atanǵan bolsa, bizdiń jigitter ekinshi orynǵa ıe bolǵan edi.