Shaıbaly hokkeıden Qazaqstan ulttyq quramasy men «Barys» klýbynyń shabýylshysy Nıkıta Mıhaılıs sporttyq jolyn Magnıtogorskiniń «Metallýrg» komandasynda jalǵastyratyn boldy.
28 jastaǵy Qaraǵandy hokkeı mektebiniń túlegi «Barysta» 2011 jyldan beri óner kórsetti. Osy ýaqyt aralyǵynda ol Qurlyqtyq hokkeı lıgasynda (QHL) 411 kezdesýde muzaıdynǵa shyǵyp, 221 (99+122) upaı jınady. 2021/22 jyly Nıkıta Mıhaılıs – Kıortıs Volk – Iаkob Lılıa úshtigi turaqty birinshiliktiń qorytyndysy boıynsha eń nátıjeli oıynshylar dep tanyldy. Al 2022 jyly Mıhaılıs «Barystyń» kapıtany atanyp, komandanyń naǵyz kóshbasshysyna aınaldy. Ol ótken maýsymda QHL-da 58 oıyn ótkizip, 15 márte mergendigimen kózge tústi. Sondaı-aq 26 márte áriptesteriniń gol soǵýyna jaǵdaı jasady.
Nıkıta Mıhaılıs Magnıtogorskiniń «Metallýrg» komandasymen bir maýsymǵa kelisimshartqa otyrdy.