Ulytaý oblysynda qoljetimdi baspana boıynsha jańa baǵdarlama iske qosyldy. «Ulytau zhastary» jobasy aıasynda oblystyń jas mamandaryna tıimdi sharttarmen jeke baspana satyp alýǵa múmkindik týdy, dep habarlaıdy Egemen.kz.
Atalmysh jobany qarjylandyrýǵa 750 mln teńge bólingen, onyń 500 mln teńgesin Ulytaý oblysynyń ákimdigi, 250 mln teńgesin Otbasy bank qosty.
Nesıelendirýge Ulytaý oblysynda jumys isteıtin kelesi qyzmet salalarynyń jas mamandary qatysa alady:
Densaýlyq saqtaý – densaýlyq saqtaý salasyndaǵy memlekettik uıymdardyń shtattyq qyzmetkerleri; Bilim berý – bilim berý salasyndaǵy memlekettik uıymdardyń (sonyń ishinde memlekettiń qatysýy 100% quraıtyn AQ jáne KEAQ) pedagogıkalyq ujymy; Mádenıet – memlekettik mádenıet uıymdarynyń mamandandyrylǵan qyzmetkerleri; Sport – memlekettik uıymdarda qyzmet isteıtin sportshylar men jattyqtyrýshy-oqytýshylar; Buqaralyq aqparat quraldary – resmı tirkelgen BAQ-nyń shtattyq qyzmetkerleri; JOO – joǵary oqý oryndarynyń qyzmetkerleri; Áleýmettik sala – halyqty áleýmettik qorǵaý salasyndaǵy memlekettik uıymdardyń shtattyq qyzmetkerleri.«Ulytau zhastary» baǵdarlamasyna 18-den 35 jasqa deıingi (qosa alǵanda) Ulytaý oblysynyń turǵyndary qatysa alady.
Aıta ketetin taǵy bir jaıt - úmitkerlerdiń ótinish bergen kezdegi resmı jumys ótili sońǵy 12 aıdan kem bolmaýy tıis. Naqtyraq aıtqanda, qatysýshynyń jáne onymen birge turatyn otbasy músheleriniń sońǵy bir jyl boıy oblysta turaqty tirkeýi bolýy qajet. Sondaı-aq qatysýshy men onyń otbasy músheleriniń sońǵy 5 jyl ishinde jyljymaıtyn múlki bolmaýy kerek.
«Ulytaý oblysynyń ákimdigimen birlese otyryp, óńirlik jastar baǵdarlamasy aıasynda yntymaqtastyq týraly kelisimge qol qoıdyq. Osylaısha jas azamattardyń jergilikti jerlerdegi baspana máselesi sheshilip jatyr. Bul olar úshin óte mańyzdy. О́ıtkeni, jeke baspana – bolashaqqa degen nyq senim, otbasyn qurýǵa, kásibı ósýge degen umtylys», dedi «Otbasy Bank» AQ Basqarma tóraıymy Lázzat Ibragımova.
Otbasy bank páter satyp alýǵa beretin nesıeniń eń joǵarǵy somasy 20 mln teńge (eger múliktiń quny 20 mln teńgeden asatyn bolsa, onda aıyrmashylyqty qatysýshy óz qarajaty esebinen, banktiń aǵymdaǵy shotyna qossa bolady). Alǵashqy jarna kem degende 10% bolýy kerek. Nesıe boıynsha syıaqy mólsherlemesi jyldyq 5%-dy (JTSM5,2%) quraıdy.
Aıta ketsek, nesıeni 19 jylǵa deıin alýǵa ruqsat etilgen.