Áıelder arasyndaǵy elimizdiń birinshi jáne ekinshi raketkalary – Elena Rybakına men Iýlııa Pýtınseva Parıjde ótip jatqan Rolan Garros týrnıriniń úshinshi aınalymyna shyqty.
Elena Rybakına bul kezeńde Chehııa tennısiniń jas juldyzy, qazirgi tańda álemdik reıtıngte 50-orynda turǵan 18 jastaǵy Lında Noskovamen sheberlik baıqasty. Birinshi partııada otandasymyz eki breık jasap, alǵashqy setti 6:3 esebimen óz paıdasyna aıaqtady. Sońǵy, toǵyzynshy geımdi tennısshiler on mınýttan asa ýaqyt oınap, Rybakına tek altynshy set-poıntta ǵana qarsylasyn qapy qaldyrdy.
Ekinshi sette qarsylastar ózderi dopty oıynǵa qosqan geıminde saýatty oınap, uzaq ýaqyt boıy tarazy basy teńselip turdy. Segizinshi geımge kelgende Rybakına 40:15 esebimen breık jasap, toǵyzynshy geımde oıynnyń núktesin qoıdy – 6:3. Elena úshinshi aınalymda ıspanııalyq Sara Sorrıbes-Tormo nemese horvatııalyq Petra Martıchpen kezdesedi.
Al Iýlııa Pýtınseva ekinshi aınalymda álemniń 19-raketkasy qytaılyq Chjen Sınvenmen kezdesip, úsh setke jalǵasqan matchta – 6:3, 4:6, 6:2 esebimen jeńiske jetti. Endi Pýtınseva tórtinshi aınalymǵa shyǵý úshin álemniń 30-raketkasy amerıkalyq Sloan Stıvenspen sheberlik baıqasady.