Býdapeshtte ÝEFA Eýropa lıgasynyń fınaldyq matchy ótti. Bas júlde úshin ótken básekede Ispanııanyń «Sevılıasy» men Italııanyń «Romasy» kezdesti.
70 myńǵa jýyq jankúıerdi syıdyra alatyn Ferens Pýshkash atyndaǵy stadıonda ótken fınaldyq básekeniń esebin birinshi taımnyń 35-mınýtynda «Roma» shabýylshysy Paýlo Dıbala ashyp, komandasyna basymdyq syılaǵanymen, ekinshi taımnyń 55-mınýtynda Djanlýka Manchını abaısyzda óz qaqpasyna gol soǵyp aldy – 1:1. Match sońyna deıin esep ózgermegen soń, fýtbolshylar taǵy da qosymsha 15 mınýttan eki ekstra-taım oınady. Biraq bul kezeńde de jeńimpaz anyqtalmady. Al penaltı serııasynda «Sevılıanyń» baǵy janyp, óz tarıhynda jetinshi márte Eýropa lıgasynda top jardy.
Eýrokýbok básekeleriniń fınalynda birde-bir márte jeńilmegen Joze Moýrıno bıyl alǵash ret (Sýperkýbok fınalyn aıtpaǵanda) kúmis júldeni qanaǵat tutty.