Qazaqstanda Parlament Senatynyń jańa múshesi saılandy, dep habarlaıdy Egemen.kz OSK-ǵa silteme jasap.
2 maýsymda qaıtys bolǵan Gúlmıra Kárimovanyń ornyna Soltústik Qazaqstan oblysynan Parlament Senatynyń depýtattyǵyna saılaý ótti.
Senat depýtatyn janama saılaý quqyǵy negizinde máslıhattardyń depýtattary bolyp tabylatyn saılaýshylar jasyryn daýys berý arqyly saılady. Oblystaǵy tańdaýshylar tiziminde 193 máslıhat depýtaty bar.
Parlament Senatynyń depýtattyǵyna oblystan eki azamat úmitker boldy. Daýys berý nátıjesinde oblystaǵy «Amanat» fılıalynyń tóraıymy Ásem Rahmetova Soltústik Qazaqstan oblysynan senator bolyp saılandy. Ol saılaýshylardyń 74,4 paıyz daýysyn aldy.
О́ńirden senatorlyqqa ekinshi úmitker Soltústik Qazaqstan oblysy Din isteri basqarmasynyń basshysy Raýza Qasenova boldy.
Eske salaıyq, 27 qańtarda senator Gúlmıra Kárimovanyń qaıtys bolǵany belgili bolǵan.