Operasııanyń sırek túri

Neırohırýrgııa bólim­she­si­niń meń­ge­rý­shisi ótkizgen opera­­sııa­nyń nátıjesinde bi­telgen ta­myrdan aınalyp ótip, mı arterııasyndaǵy qan aǵysyn qalpyna keltirýge múmkindik týdy. Dáriger samaıústi men mıdyń orta tamyrynyń arasyna anastomoz qoıady. Mundaı operasııa maı túıinshektiń paıda bolýy saldarynan mı arterııasy tesiginiń sımptomdyq bitelýi baıqalatyn naýqastarǵa jasalady. Asqan sheberlikpen jasalatyn operasııa tek qana mıkroskop astynda júredi, óıtkeni tamyrdyń dıametri 0,1-0,15 sm-den aspaıdy, osy maıda tamyrdy 10-12 jerden­ tigý kerek. Endigi jerde Marat Sarshaevtyń sheberlik dárisiniń nátıjesinde óńirde osyndaı operasııa jasaý jolǵa qoıylmaq.

Sonymen qatar Atyraýda alǵash ret tize men jambas býy­nyn­ aýystyrý operasııasy da jasaldy. Bul operasııany at­qa­r­ǵan OKA travmatologııa jáne ortopedııa bólimshesiniń meń­ge­rý­shisi Sáken Moldaǵalıev aıtýynsha, ázirge Atyraýda osy operasııany jasaıtyn mamandar men qajetti jabdyq joq.

«Býyn aýystyrý operasııasy bizde 15 jyldan beri jasalyp jatyr. Atyraýda da mundaı operasııany jasatýdy kútip júrgen kisilerdiń qatary bar. Tehnologııa damyǵan qazirgi zamanda synǵan súıek pen tizeni emdeý burynǵydaı qıyn emes. Izraıldegi mamandar tipti, súıek pen bulshyqetti qoldan ósirýdi úırengen, ıaǵnı súıek pen bulshyqetti tolyqtaı jasandylarymen almastyratyn kún de jaqyndap keledi. Biz de osy úderisten qalmaı, úırenip, tájirıbege engizip otyrmyz», deıdi mamandar.

Ár aımaqta ótkizile bas­ta­ǵan Me­dısına orta­ly­ǵy­ kúnderi ozyq­ medısı­na je­tis­tikterin ba­r­shaǵa qol­je­tim­di etý maq­sa­tyn­da uıym­das­tyrylyp júr. Al Aty­raý­­ǵa «Sovmın» aýrý­­hana­sy­nyń ózinen travma­tolo­gııa­ jáne ortopedııa bólim­she­si­niń meńgerýshisi Sáken Mol­daǵalıev, neırohırýrgııa­ bólim­shesiniń meńgerýshisi Ma­rat­ Sarshaev, gınekologııa­ bó­­lim­­shesiniń meńgerýshisi Shol­pan­ Álıeva, onkohırýrgııa bólim­she­siniń meńgerýshisi Ǵalııa Horo­shash­, aqyly medısınalyq qyz­met­ter bólim­she­siniń meń­gerý­shi­si Dılıaram Razıeva, neırohı­rýrg Dáýlet Súıembetov, nevro­log­ Aqerke Táýirbekova, gas­troen­terolog Lázzat Qazan­bae­va at­tanǵan edi. Osylaısha al­matylyq mamandar Atyraýda tize býyny artroskopııasy men endoprotezdeý, jatyr men jatyr aınalasyna laporoskopııalyq aralasý, ekstraıntrakranıaldy mıkrotamyrlyq anastomoz, laparoskopııalyq adrenalektomııa operasııalaryn jasap, pasıentterge keńes berip, áriptesteri arasynda sheberlik dáristerin júrgizdi.