«Qazaqstan barysy Grand Slam»: Bul qandaı jarys?

Jalpy, Halyqaralyq dzıýdo federasııasy mundaı mańyzdy týrnırlerdi ótkizýdi kez kelgen elge senip tapsyra bermeıdi. Ol úshin jarysty ótkizýge úmitti eldiń ókilderi álemdik dodalarda óz myqtylyǵymen daralanyp, Olımpııa oıyndary sekildi abyroıly jarystarda júlde alýǵa tıis. Sonymen qatar Azııa jáne álem chempıonattaryn ótkizýde tájirıbesi bolýy da mańyzdy. Al bul talaptardyń barlyǵyn elimiz áldeqashan oryndap qoı­ǵany belgili. Jerlesterimiz jyl saıyn bolmasa da, ár jyldary álem chempıonattarynda júl­de­gerler qatarynan kórinip, Azııa birinshilikterinde top jaryp júr. Sondaı-aq bir jyl bederinde uıymdastyrylatyn birneshe «Grand Slam», «Grand Prix» sııaqty serııaly saıystarda da júldeniń aldyn bermeı júrgenin jankúıerler jaqsy biledi.

Halyqaralyq jarys uıym­­­dastyrýda elimizdiń mol tá­­ji­rıbesi bar ekeni barshaǵa belgili. 2015 jyly Astanada alǵash ret dzıýdodan álem chempıonaty uıymdastyrylyp, sala ma­man­darynyń oń baǵasyn alǵan. Byltyr tamyz aıynda sary qur­lyq balýandary elordada bas qosyp, túrli-tústi júldelerdi sa­rapqa salǵanyn áli eshkim umyta qoıǵan joq.

Elimizde jasalyp jatqan eleýli isterden keıin jyldyń ba­synda Qazaqstan dzıýdo federasııasy men Halyqaralyq dzıýdo federasııasy (IJF) álemdik «Grand Slam» týrnırlerin Qazaqstanda da ótkizý týraly tórt jyldyq keli­simshartqa qol qoıǵan-dy.

Is-shara kezinde Halyqaralyq dzıýdo federasııasynyń (IJF) prezıdenti Marıýs Vızer IJF úshin týrnırdi ótkizý quqyǵyn álemdik jarystarda jyl saıyn top jaryp, úzdik nátıje kórsetip júrgen Qazaqstan sııaqty memleketke berý úlken mártebe ekenin jetkizgen bolatyn.

«Keıingi birneshe jylda Qa­zaqstanda dzıýdo sporty qarqyndy damyp keledi. «Úlken dýlyǵa», Gran-prı jarystary, álem chempıonattary men Olımpııa oıyn­darynda qazaq balýandary aýyz toltyryp aıtarlyqtaı ná­tı­jege qol jetkizip júrgenin jaqsy bilemiz. Sondyqtan «Grand Slam» týrnırleriniń bir keze­ńin Qazaqstanda ótkizemiz dep shesh­tik. Bul tek bir jylǵa ǵana emes, tórt jylǵa josparlanǵan keshendi týrnır ekenin, Olımpııa oıyndaryna reıtıngtik upaı be­riletin mańyzdy jarystyń biri ekenin aıta ketken jón», degen edi Ha­lyqaralyq dzıýdo fede­rasııa­synyń prezıdenti Ma­rıýs Vızer.

Elimizde tuńǵysh ret jalaýy jelbireıtin baıraqty jarysqa búginge deıin álemniń 44 eliniń 310 balýany qatysatyndaryn má­limdedi. Olardyń qatarynda Olımpııa oıyndary, álem, Eýropa jáne Azııa chempıonattarynyń jeńimpazdary men júldegerleri de bar. Bul synda el namysyn 51 sportshy (erler quramasynan – 28, áıelder quramasynan 23 balýan) qorǵaıdy. Halyqaralyq dzıýdo federasııasynyń erejesi boıyn­sha jarysty uıymdastyrýshy memleket ár salmaqta tórt ba­lýan­ǵa deıin qosa alady.

Sondaı-aq Qazaqstan astanasyna eń kóp baýlan ákeletinderdiń qatarynda Fransııa (25), О́z­bekstan (22), Ázerbaıjan (16), Is­panııa sekildi memleketter bar. Al Astanada beldesetin eń dańqty balýandardan kimder bar degen suraqqa keler bolsaq, 2022 jylǵy jastar arasyndaǵy álem chempıony, eresekter arasyndaǵy álem birinshiliginiń qola júldegeri, «Grand Slam» jarystarynyń jeńimpazy 21 jastaǵy ıtalııalyq Assýnta Skýtto (48 kg), Tokıo Olım­pıadasynyń qola júldegeri nıderlandtyq Sanne van Deıke (70 kg), 2018 jylǵy álem chem­pıo­natynyń kúmis júldegeri ázer­baıjandyq Ýshangı Kokaýrı jáne taǵy basqalardy aıtýǵa bolady.

Bul álemdik doda barlyq dzıýdoshy úshin 2024 jyly Parıjde ótetin jazǵy Olımpııa oıyndaryna joldama alýǵa jaqsy múmkindik ekenin joǵaryda aıttyq. Sonymen qatar «Qazaqstan barysy Grand Slam» týrnıri aıaqtalǵannan keıin elimizde dzıýdodan halyqaralyq oqý-jattyǵý lagerde ótkiziledi.

«Grand Slam» («Úlken dý­lyǵa») – Halyqaralyq jarys kúntizbesine sáıkes «IJF World Tour» aıasynda ótkiziletin álem­dik jarystar serııasy sanatyna enedi. IJF erejesi boıyn­sha, jarys jeńimpazy men júldeger­leriniń álem jáne Olımpıada reı­tıngterine upaı qosylady. Atap aıtqanda, 1-orynǵa – 1000, 2-orynǵa – 700, al 3-orynǵa 500 upaıdan beriledi.

Aıtpaqshy, «Qazaqstan barysy Grand Slam» jarysyna kirý tegin ekenin aıta keteıik.