Abaı oblysyndaǵy Polovınka, Talısa jáne Bulaq aýyldarynan ketýge májbúr bolǵan turǵyndardyń balalaryna jazǵy lager uıymdastyrylady, dep habarlaıdy Egemen.kz oblys ákimdiginiń baspasóz qyzmetine silteme jasap.
Evakýasııalanǵan balalardyń bos ýaqytyn júıeli uıymdastyrý úshin kún saıyn Abaı mýzeıine, qalanyń basqa da murajaılaryna, bıologııalyq ortalyqqa, kınoǵa, ortalyq saıabaqqa ekskýrsııalar uıymdastyrylady.
«Balalar úshin demalys jáne oıyn-saýyq baǵdarlamalary ázirlenip jatyr. Sondaı-aq balalarǵa arnalǵan №49 orta mektep bazasynda mektep lageri jumys isteıdi. Onda bilim berý sabaqtarymen qatar psıhologııalyq qoldaý kórsetiledi», dedi evakýasııalyq pýnkttiń ókili Birjan Bulabaev.
Aıta ketsek, Semeıdegi evakýasııalyq pýnktterde 189 adam, onyń ishinde 74 bala bar. Jalpy, qalada 800 adamǵa arnalǵan 9 evakýasııalyq pýnkt ashylǵan.